Дома Спорт Емотивна вечер во Болоња – Михајловиќ се врати по хемотерапиите, публиката со...

Емотивна вечер во Болоња – Михајловиќ се врати по хемотерапиите, публиката со стоечки овации (ВИДЕО)

Синиша Михајловиќ се врати на клупата на Болоња по последната тура на хемотерапија, но фудбалерите на Милан му го расипаа кам-бекот однесувајќи 3:2 победа на „Ренато Дал’Ара“.

Loading...

Михајловиќ доби стоечки овации од домашната публика откако се врати на своето работно место по последната тура на хемотерапија за леукемијата и по трансплантација на коскената срж, а моментот беше посебен бидејќи го пречекуваше тимот кому му беше тренер во минатото.

Кшиштоф Пјонтек уште во 15. минута ги донесе гостите во водство со гол од пенал, пред Тео Ернандез во 32. минута да зголеми на 0:2. Сепак, Ернандез само осум минути подоцна си постигна автогол, давајќи надеж дека Болоња може да извлече барем реми.

Џакомо Бонавентура само што почна второто полувреме ја врати предноста од два гола за Милан, меѓутоа финишот на мечот беше многу интересен, откако Никола Сенсоне од пенал во 84. минута намали на 2:3.

Сепак, Милан изддржа и конечно сврза две победи во низа под водство на Стефано Пиоли и да се искачи на 9. место на табелата со 20 поени. Болоња пак, не успеа по сензационалната 2:1 победа над Наполи да собори уште еден голем ривал, и останува на 13. место на табелата со 16 поени.

Инаку докторите изјавија дека тие најмногу би сакале Синиша да биде во соба, а не на терен, бидејќи тој не смее да си дозволи да добие вирус. Михајловиќ донекаде ги почитуваше нивните препораки, па не се поздравуваше со играчите и противничкиот тренер.

Тој беше трогнат од публиката на кја и отпоздравуваше:

Loading...