Дома Свет По Зоран Заев, од медиумите во својата земја се пожали и Доналд...

По Зоран Заев, од медиумите во својата земја се пожали и Доналд Трамп

Изминатите месеци во нашата држава е актуелна дебатата за автентичноста на вестите кои се пласираат во медиумите. Премиерот Заев најави мерки за едукација на новинарите. Но не е само кај нас присутен овој тренд.

Американскиот претседател, Доналд Трамп, денес изрази гнев поради шпекулациите за неговата здравствена состојба по непланираната посета на воената болница во Вашингтон минатиот викенд.

Американскиот претседател кој има 73 години, во саботата отиде во болницата Волтер Рид на годишен преглед, соопшти Белата куќа. Таа ненајавена посета, која дојде само девет месеци по претходната, отвори голем број прашања во јавноста.

На состанок со членовите на неговиот кабинет во Белата куќа, Трамп денеска се пожали дека неговата сопруга го прашала дали е во ред кога се вратил од доктор, и дека се зборува дека има проблеми со срцето.

„Таму бев кусо време, рутински. Направив неколку лекарски прегледи, остатокот ќе го направам во јануари“, додал Трамп и почна да ги напаѓа медиумите.

„Тие луѓе се болни! Медиумите во оваа земја се опасни. Деновиве немаме слобода на печатот, го имаме спротивното. Имаме корумпираните медиуми и се надевам дека ќе се освестат бидејќи тоа е многу лошо и многу опасно за нашата земја“, рекол тој.

Loading...