Дома Македонија Новата Министерка Нина: Нема да бидам скржава

Новата Министерка Нина: Нема да бидам скржава

Нема да биде скржава за инветсициите кои се враќаат, ќе штеди на непродуктивните ставки, а граѓаните ќе знаат како се троши секој нивен денар од буџетот. Новата министерка за финансии во првото интервју за државната МИА вели:

„Не можам да кажам дека ќе бидам скржава во однос на трошоците, инвестициите коишто ќе се прават за да вратат назад. Оние непродуктивни трошења коишто нема да вратат назад секако дека може да бидат предмет на штедење. Меѓутоа, не можеме да зборуваме за штедење во капитални инвестиции или проекти коишто ќе донесат економски раст, коишто ќе ја намалат невработеноста“.

Експертската јавност смета дека Ангеловска се наоѓа пред многу сериозни предизвици. Очекувањата се големи затоа што 2019 беше најавена како економска, а во практика недостига фокус кон економските прашања. Клучната препорака за неа е да продолжи со фискалната консолидација, но да внимава како ќе ги троши заштедите во буџетот.

Loading...

Најболното прашање остануваат капиталните инвестиции кои не се раализираат според план. Ангеловска вели дека во овој дел може да помогне.

„Навистина претставува загуба ако се предвидени средства за капитални проекти и инвестиции, а не се потрошат. Можам да кажам дека тука ќе се залагам. Имам идеја и како тој процес ќе биде подобрен. Но, на истата тема и на истото прашање сметам дека е многу важно кога носиме мерки и промени не само што и зошто се прави нештото, туку начинот и тајмингот на спроведување на било што“.

Loading...