Дома Авто-мото Сензација во Македонија – Љупчо ,,Коцкарот” од Битола на 65 години освои...

Сензација во Македонија – Љупчо ,,Коцкарот” од Битола на 65 години освои второ место на трка во Крушево

Дека годините не се пречка за ништо во животот, ќе прочитате во текстот подолу. Кога човек има мотив во животот, кога има млад дух и позитивна мисла, ништо не е недостижно.

Битолчанецот Љупчо Илиевски, со прекар ,,Коцкар” (иако никогаш не се коцкал во класична смисла, туку само со брзините и животот), денес на патеката во Крушево, на ридско – брзинскиот натпревар од шампионатот на Македонија, го освои второто место во својата класа.

Веројатно спортските новинари и порталите кои се занимаваат со темите од авто-мото спортот ќе имаат поконкретни податоци и ќе биде интересно да се одбележи дали е ова највозрасниот возач во нашата држава, кој успеал да се искачи на победничкиот пиедестал.

Инаку ,,Коцкарот” од Битола е многу добро познат на Македонската автомото јавност, бидејќи тој, уште во поранешна Југославија настапуваше во натпревари на патеките ширум поранешната држава.

Неговата колекција од пехари и признанија е огромна, а последната трка во нашата држава за Љупчо Илиевски беше далечната 1997 година. По пауза од 22 години, тој е повторно на патеките.

Какво е чувството повторно да се вратиш на тркачкиот асфалт, со мирисот од октаните, останува да ни објасни Илиевски, во следниот прилог на нашиот портал.

Loading...