Дома Спорт Каква бламажа за Вардар – не доби лиценца за настап во Лига...

Каква бламажа за Вардар – не доби лиценца за настап во Лига Европа

Loading...

ФФМ денеска објави дека ФК Вардар останува без лиценца за настап во европските купови и покрај освоеното второ место во домашното првенство поради неисполнување на финансиските услови.

Одлуката ја потврди комисијата за лиценцирање на ФФМ, врз основа на доставените барања и документација од клубовите во Првата македонска фудбалска лига. За учество во УЕФА натпреварувања за сезона 2019/2020, ги донесе следниве одлуки:

Се издава лиценца за учество во УЕФА натпреварувања за сезона 2019/2020 на фудбалските клубови:

Академија Пандев АД – Струмица, Беласица АД – Струмица, Македонија ЃП 1932 АД – Скопје, Работнички АД – Скопје, Ренова АД – Скопје, Силекс АД – Кратово, Шкендија АД – Тетово, Шкупи 1927 АД – Скопје.

Не се издава лиценца за учество во УЕФА натпреварувања во сезона 2019/2020 на фудбалските клубови:

Вардар АД – Скопје, Победа АД – Прилеп

По одлуките на Комисија за лиценцирање, ФК Вардар АД – Скопје поднесе жалба до Комисија за жалби за лиценцирање, но истата беше одбиена како неоснована.  Со оваа одлука се отвори место во Лига Европа за петопласираниот тим.

Loading...